بسم الله الرحمن الرحيم
بصراحة مش لاقي اي كلمه اعبر بيها عن الكلام الرقيق اللي مكتوب في حقي يا استورم ، متشكر جدا على الكلام الجميل دة
واجابتي على اسئلتك
اوصف شخصيتك في كلمتين ؟؟؟؟؟

طيب وذكي

شخصيه اعجبت بها ؟؟؟؟؟؟
مدير شركة مايكروسوفت فرع اسيوط

اوصف حال بلدك الان ؟؟؟؟
ميسرش عدو ولا حبيب
خيروك بين البلاد اي من البلاد تود ان تنضم لها
من حيث سياستها او حكمها ؟؟؟؟؟
انا بتعجبني اليابان في دقتها ونظمها والمانيا
بس بحب بلدي لانها احسن بلد في العالم بس مفيش امكانيات لاستغلال شببها ورجلتها عشان تبقى بجد احسن دول العالم
هل انت شخص رومانسي ام سياسي اكتر ؟؟؟؟؟؟
ممكن اقول الاتنين رومانسي وسايس بس مش قوووي
هل ندمت علي شئ في يوم من الايام ؟؟؟؟؟
اة على حاجات حصلت معايا ومشاعر ادتها لناس ميستهلوهاش

مرة تانية متشكر على الكلام الرقيق والجميل دة
وبجد شكرا

ردي على اسئلتك يا ملك الاحساس

انته ايه رايك فى فريق مصر ؟
فريق كويس وبيلعب حلو وادى مباراة رائعة مع البرازيل وايطاليا بس انا شايف انه ساب الماتش لامريكا ودة كنت متوقعة من بدري

ما هو رايك فى جميع الاعضاء ؟
اعضاء المنتدى بتعنا بجد محترمين جدا وبجد بحس اني وسط اخواتي
بس بصراحة زعلان من الاعضاء اللي مش بيدخلو على المنتدى لفترات طويلة بجد المنتدى دة كويس وبجد المفروض يبقى منتدى عالمي بس عيبة الوحيد قلة اعضائة

وما هو رايك فى المنتدى الان ؟
المندى كويس بس مفهوش اعضاء كتير واي مجهود بيتعمل في المنتدى بحسة بيضيع في الهوا
عشان مفيش اعضاء كتير بيدخلو وبيشاركو فيه

واي اسئلة انا في خدمة اعضاء المنتدى

ايه يا جماعة محدش عايز يسال ولا ايه

على العموم انا مستني

بسم الله الرحمن الرحيم

ضاقت بيك الدنيا وحسيت انك مخنوق جدا بتعمل ايه

وبتروح لمين؟؟؟
لو لوحدي بحاول اخرج من المكان اللي مدايقني ولو معايا حد بتكلم معايا فيه
وبحب اتكلم مع اصحابي في اي حاجة مدايقاني وحبيبتي طبعا

لو خيروك بين الازمنه او العصور

اي منها تود ان تكون

بمعني ايام جمال عبد الناصر ولا ايام السادات ولا العصر الفرعوني

ولا عصرنا الحالي ولا عصر ايه؟؟؟؟

عصرنا الحالي لانه محتاج راجل بجد يحكم مصر


ايه رايك في المقوله ديه
؟؟؟
..اذا اولي الامر لغير اهله ابشروا بالخراب ..

بتحصل كتير طبعا بس فيه حاجت بتحصل بس دي بتبقى حظ وتوفيق من عند ربنا

هل توافق علي تعيين علاء مبارك او جمال مبارك رؤساء لمصر ؟؟؟؟


ولا واحد من الناس دي لانهم خربو مصر والحمد لله

ومين من الشخصيات الحاليه المعجب بطريقه علمها او سياستها تتمني ان يحكم مصر ؟؟؟؟


فيه كتير ينفعو عندك كمال الجنزوري كان رئيس وزراء محترم والشعب فعلا حبه
وعندك عمرو موسى راجل سياسي بارع ومحترم ومننساش عندنا قادة في الجيش ممكن يمسكو البلد زي المشير طنطاوي

ايه الماده اللي كنت بتحبها وماذلت بتحبها (ماده دراسيه؟؟؟؟؟

العلوم وطبعا الكمبيوتر لانه حياتي وشغلي مع ان دراستي مختلفة عنه خالص

مهندس كمبيوتر في ميكروسوفت فرع فيجن اسيوط
وحاصل على بكالريوس زراعة من جامعة اسيوط
ايه رأيك،،،،،،،،،،،،،، هههههههههههههههههههههه

ازيك يا عبقرينو
سؤال كده عالماشي
تعمل ايه لو أغلى انسان فدنيتك واكتر حد بتحبه فالدنيا حرمك من اكتر حاجه انت بتحبها واكتر حاجه قريبه من قلبك وكنت بتحلم ان الحاجه دي تكون معاك من زمانوفي اليوم اللي حصلت عليها فيه في نفس الوقت اتحرمت منها بسبب الشخص ده

ردي على سؤال اثار

اكيد طبعا هدايق جدا لاني هبقى في موقف لا احسد عليه بس هيعدي وهترجع الامور لطبيعتها وعادي يعني
(انا اريد وانت تريد والله يفعل ما يريد)

اهلاً بعبقرينو بيه
شرفت ونورت
سؤال واحد لاغير بس ياريت تجاوب عليه بصراحة ؟
مين اكتر فى اخواتك غلبك فى تربيته ؟